Çinin avtomobil istehsalçısı "Geely"nin ötən il ümumi gəliri 148 milyard yuan (21,7 milyard dollar) təşkil edib ki, bu da 2021-ci illə müqayisədə 45,6% çoxdur.
"Margin.az" xəbər verir ki, bu barədə şirkətin maliyyə hesabatında qeyd olunub.
Hesabat dövründə şirkətin mənfəəti isə 5,26 milyard yuana (773,5 milyon dollar) çatıb. Bu göstəricinin illik ifadədə artımı 8,5% təşkil edib.
Son bir ildə bu şirkətin avtomobillərinin ümumi satışları illik ifadədə 8% artaraq 1,43 milyon ədədi ötüb.
