Azərbaycanda manatın məzənnəsinin sabit saxlanılması inflyasiyanın daha sürətlə artmasının qarşısını alıb.

"Margin.az" xəbər verir ki, bu barədə Asiya İnkişaf Bankının (ADB) "Asian Development Outlook" hesabatının sentyabr sayında qeyd olunub.

• Azərbaycan manatı nə qədər möhkəmləndi?

• Azərbaycan manatının dövretmə sürəti dəyişməyib

Hesabata görə, bu ilin birinci yarısında Azərbaycanda illik inflyasiya ötən ilin eyni dövründəki 4,3%-dən 12,9%-ə yüksəlib.

Bildirilib ki, ötən il yanacaq və digər kommunal xidmətlər üçün tariflərin artırılması xidmət sektorunda da inflyasiyanı artırıb. Sabit məzənnə isə inflyasiyanın daha da sürətlə artmasının qarşısını alıb. Azərbaycan Mərkəzi Bankı mart ayında faiz uçot dərəcəsini iki addımda 50 baza bəndi artıraraq 7,75%-ə yüksəldib və inflyasiya təzyiqinin azaldılması ilə bu göstəricini iyul ayına qədər saxlayıb.

Sənəddə bildirilib ki, ilin birinci yarısında inflyasiyanın artmasını nəzərə alaraq Bank 2022-ci il üçün inflyasiya ilə bağlı proqnozunu artırıb. Bank idarə olunan kommunal qiymətlərin dəyişməz qalacağı gözlənildiyi üçün 2023-cü il üçün inflyasiya proqnozunu isə dəyişməz saxlayıb.