Bakı Fond Birjasında bu gün Azərbaaycan Mərkəzi Bankının hər birinin həcmi 30 milyon manat həcmində olan 168 gün (AZ2047024701) və  252 gün (AZ2048024700) notlarının yerləşdirilməsi üzrə hərrac keçirilib.

"Margin.az" bu barədə Birjaya istinadən xəbər verir. 

168 gün. Hərrac zamanı 8 investor tərəfindən qiymət intervalı 97.4976 manat (5.5%) və 97.7199 manat (5%) olan 8 sifariş təqdim edilmişdir. Sifarişlərin nominal qiymətlə ümumi məbləği 42,512,700 manat olub.

AMB-nin qərarına əsasən notların kəsmə qiyməti 97.4976 manat (5.50%) və orta ölçülmüş qiyməti 97.5957 manat (5.28%) olaraq müəyyən edilib.

Hərrac nəticəsində notların yerləşdirilmiş həcmi 30,000,000 manat təşkil edib.

Notların ödəmə tarixi 25.05.2023-cü ildir.

252 gün. Hərracı zamanı 8 investor tərəfindən qiymət intervalı 95.7763 (6.3%) manat və 96.1955 (5.65%) manat olan 8 sifariş təqdim edilmişdir. Sifarişlərin nominal qiymətlə ümumi məbləği 37 080 100 manat olub.

AMB-nin qərarına əsasən notların kəsmə qiyməti 95.9693 (6%) manat və orta ölçülmüş qiyməti 96.0076 (5.94%) manat olaraq müəyyən edilib.

Hərrac nəticəsində notların yerləşdirilmiş həcmi 30,000,000 manat təşkil edib.

Notların ödəmə tarixi 17.08.2023-cü ildir.