Naxçıvan Muxtar Respublikasında ötən il bank və kredit təşkilatları tərəfindən hüquqi və fiziki şəxslərə 235,28 mln. manat kredit verilib ki, bu da 2020-ci illə müqayisədə 31,1% çoxdur.

"Margin.az" Naxçıvan Dövlət Statistika Komitəsinə istinadən xəbər verir ki, verilən kreditlərin 24 mln. manatdan çoxu və yaxud 10,2%-i qısamüddətli, 211,27 mln. manatdan çoxu və yaxud 89,8%-i uzunmüddətli kreditlər olub.

Bu ilin yanvarın 1-nə muxtar respublikanın banklarında açılan bank hesablarının sayı 186 622-yə çatıb ki, bunun da 175 338-i və ya 94%-i aktiv hesablardır. Ötən il açılan 45 117 bank hesabının 45 075-i aktiv hesablar olub.

Muxtar respublikada quraşdırılan POS-terminalların sayı 1 yanvar 2022-ci il tarixə 1511 ədəd təşkil edib.

İnternet və POS-terminallar vasitəsilə həyata keçirilən nağdsız ödənişlər ötən il 119 mln. manatdan çox təşkil edib ki, bu da 2020-ci illə müqayisədə  33,2% çoxdur.