Bərpa olunan enerji mənbələrindən istifadənin genişləndirilməsi 2030-cu ilə qədər dünyada 100 milyona yaxın iş yerinin yaradılmasına töhfə verəcək.

"Margin.az" "The National"a istinadən xəbər verir ki, bu barədə Beynəlxalq Bərpa Olunan Enerji Agentliyinin (IRENA) hesabatında qeyd olunub.

• Türkiyə bərpa olunan enerji üzrə dünyanın 10 ən böyük ölkəsindən biri ola bilər

• IEA: "Qlobal bərpa olunan enerji potensialı 2 dəfə artacaq"

Karbon qazının toplanması və saxlanması sahəsində çalışan mütəxəssislərin sayının artacağı proqnozlaşdırılır. Bildirilib ki, 2016-2021-ci illər arasında külək enerjisi mütəxəssislərinin və günəş enerjisi üzrə məsləhətçilərin sayı hər il müvafiq olaraq 24% və 23% artıb.

Hesabata əsasən, bərpa olunan enerjiyə keçid iqtisadiyyatın müvafiq texnologiyalardan istifadə ilə birbaşa əlaqəsi olmayan sahələrində iş yerləri yaradacaq.

Beynəlxalq Əmək Təşkilatının məlumatına görə, 2021-ci ilə qədər bərpa olunan enerji sənayesində çalışan işçilərin sayı 12,7 milyon nəfər olub .Belə iş yerlərinin üçdə ikisi isə Asiyada yaradılıb.