Bu il 10 minə yaxın şəxsə əlillik təyinatı aparılıb

bu-il-10-mine-yaxin-sexse-elillik-teyinati-aparilib
10:29 - 26 May

Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Xidməti (DTSERA) tərəfindən əlilliyin qiymətləndirilməsi işləri davam etdirilir.

Nazirlikdən "Margin.az" verilən məlumata görə, 2021-ci ilin yanvar-aprel aylarında 10 minə yaxın şəxsə əlillik təyinatı aparılıb ki, onlardan 3178-i ilkin, qalanları təkrar əlillik təyin edilənlər olub.

Əlillik təyinatı aparıldıqdan sonra həmin şəxslərə əlilliyə görə müvafiq sosial ödənişlərin də e-sistem üzərindən proaktiv qaydada təyinatı həyata keçirilib.

Əlavə edək ki, əlilliyin qiymətləndirilməsi vətəndaş-məmur (ekspert) təması olmadan, elektron infrastruktur (“Əlillik” altsistemi) üzərindən, səhiyyə müəssisəsinin e-sistemə daxil etdiyi göndərişlərdəki məlumatlar əsasında həyata keçirilir.