Qlobal iqtisadiyyat son 80 ildə ən dərin tənəzzül dövrünü yaşayacaq

qlobal-iqtisadiyyat-son-80-ilde-en-derin-tenezzul-dovrunu-yasayacaq
17:29 - 28 Oktyabr

Qlobal iqtisadiyyat son 80 ildə ən dərin tənəzzül dövrünü yaşayacaq.

Rusiya Hesablama Palatası dünya iqtisadiyyatı üçün son 80 ilin ən güclü tənəzzülünü proqnozlaşdırır.

"Margin" xəbər verir ki,bu haqda məlumat Rusiya Hesablama Palatasının 2020-2023-cü illər üzrə makroiqtisadi proqnozda bildirilib. Palatanın mütəxəssislərinin fikrincə, iqtisadiyyatın müxtəlif sahələrinin aktiv şəkildə bərpa olunmasına baxmayaraq, bütün dünyada vəziyyətin gələcək perspektivləri qeyri-müəyyən olaraq qalır. Bunun səbəbi kimi, 2020-ci ilin ikinci yarısında bir çox təşviq proqramının başa çatması, həmçinin dünyada koronavirusa yoluxanların sayında artımı göstərilir.

 

Cari ilin II rübündə əksər beynəlxalq maliyyə təşkilatları 2020-2021-ci illər üçün dünya iqtisadiyyatının inkişafına dair proqnozlarını aşağıya doğru yeniləyib. Belə ki, İqtisadi Əməkdaşlıq və İnkişaf Təşkilatının (OECD) yeni proqnozuna görə, bu il qlobal ÜDM istehsalı 6% azalacaq.

 

Dünya Bankı bu il qlobal iqtisadiyyatın 5,2%, Beynəlxalq Valyuta Fondu 4,9%, "Fitch" reytinq agentliyi  4,6% azalacağını proqnozlaşdırır.Beləliklə, dünya iqtisadiyyatı son 80 ildə ən dərin tənəzzülə uğrayacaq.

 

Xatırladaq ki, bundan əvvəl Dünya Bankı koronavirus pandemiyası ilə əlaqədar olaraq dünyada həddindən artıq yoxsulluqda yaşayan insanların sayının artacağını proqnozlaşdırıb. Qlobal yoxsulluq səviyyəsi son 22 il ərzində ilk dəfə olaraq bu il artacaq.